స్నేహితుడు

నాయకుల అనారోగ్యాలకూ ప్రజావసరాలు బలి అవ్వాలా?

2010-09-04T18:35:00.004+05:30

ప్రజల అవసరాల కోసం ప్రారంభిస్తున్న కొత్త రైళ్ళ కి ఏ అనారోగ్యం లేకుండానే (పట్టాలు ఎక్కకుండానే) విశ్రాంతి నిచ్చేసారు రైల్వే శాఖ వారు.

రైలు పట్టాలు ఎక్కాలంటే కావాల్సింది ప్రయాణికులూ మరియు సిబ్బందీ, కానీ రైల్వే వారికి ముఖ్యమంత్రి కావాలట.

కొత్త రైలు ప్రారంభోత్సవానికి ముఖ్యమంత్రే కావాలని వారు అనుకుంటే, రిజర్వేషన్ చేసుకున్న ప్రయాణికులకు ప్రత్యామ్నాయంగా వేరే రైలు వెయ్యాల్సింది. అంతేకానీ ఒకరోజు ముందు గా రేపటి ట్రైన్ రద్దు అయ్యింది డబ్బులు తిరిగి ఇస్తాం అంటే ప్రయాణికుల పట్ల వీరికి ఉన్నబాధ్యత బాగా అర్ధం అవుతుంది.

సామాన్య ప్రజల అవసరాల కన్నా అధికారం లో ఉన్న నాయకుల మెప్పుదలే ముఖ్యం అన్నట్లు వారు చేసిన పని.

ఓ మనిషి అనారోగ్యానికి వేలమంది ప్రజలు ఎందుకు ఇబ్బంది పడాలి?

మన ముఖ్యమంత్రి గారు ఎప్పుడు ఆరోగ్యం గా ఉంటారో అప్పుడే ప్రారంభిస్తారా ఏమిటి ఈ రైళ్ళు? నాయకుల అనారోగ్యాలకూ ప్రజావసరాలు బలి అవ్వాలా.

(news courtesy: ఈనాడు)

శ్రీధర్ కార్టూన్ లో తప్పేంటి?

2010-09-03T23:06:00.001+05:30

ఈ రోజు ఈనాడు లో ముఖ్యమంత్రి కొణిజేటి రోశయ్య మీద కార్టూనిస్ట్ శ్రీధర్ వేసిన కార్టూన్ కొంతమందికి అభ్యంతర కరం గా అనిపించిందట. ఆ కార్టూన్ ఒక వయోవృద్ధుడి అనారోగ్యం మీద వేసిన కార్టూన్ అని వారి భావన.

రోశయ్య గారు వయో వృద్దులు మాత్రమే అయి ఉంటే శ్రీధర్ ఆ కార్టూన్ వేస్తే అభ్యంతరకరం ఏమో కానీ రాష్ట్రాన్ని నడిపించాల్సిన ముఖ్యమంత్రి తరచూ అనారోగ్యం బారిన పడుతున్నప్పుడు ఆ కార్టూన్ లో అభ్యంతరం ఏముంది.

అది ముఖ్యమంత్రి అనారోగ్యం మీద వేసిన కార్టూన్ గా మాత్రమే నాకు అర్ధం అయ్యింది కానీ ఒక వృద్ధుడిని అపహాస్యం చేసిన కుసంస్కారం అందులో నాకు కనిపించలేదు.

దశాబ్దాల తరువాత ఒక మంచి ప్రాజెక్ట్ మన రాష్ట్రానికి వచ్చినప్పుడు, తమ పార్టీమహా నాయకుడు గతించి ఏడాది గతించిన సందర్భం గా అంజలి ఘటించటానికి సహకరించని ఆరోగ్యం మన ముఖ్యమంత్రి ది. పెద్ద వాళ్ళ అనుభవాన్ని ఉపయోగించుకోవటం చాలా అవసరమే కానీ అది అనుక్షణం ఆటుపోట్లు ఎదుర్కోవాల్సిన పదవుల్లో కూర్చోబెట్టి మాత్రం కాదు.

మామూలు ఉద్యోగులు 58/60 సంవత్సరాల వయసు దాటితే ప్రభుత్వానికి పనికి రారు కానీ 75/80 సంవత్సరాలు దాటిన, నిలబడితే కూర్చోలేని, కూర్చుంటే నిలబడలేని వృద్ధ నాయకులు మాత్రం బాగా పనిచెయ్యగలరట.రాజకీయ నాయకులకు వాళ్ళు చనిపోయినప్పుడు కానీ రిటైర్మెంట్ రాదు.

అయినా రాజకీయాల్లో యాభై ఏళ్ల వాళ్ళని యువ నాయకులుగా భావించే మన దేశం లో 90 ఏళ్లు వచ్చినా అది పెద్ద వయసు అనిపించదు కదా.... ఏమంటారు?

మీ

స్నేహితుడు

(ఇక్కడ నేను చెప్పినవన్నీ నా స్వంత అభిప్రాయాలు. ఏ విధంగా నైనా నాకు తెలియకుండా ఎవరి మనసునైనా నొప్పించి నట్లు రాస్తే నన్ను మన్నించండి)

తెలుగు తల్లి అంటే ఉలుకు ఎందుకు?

2010-08-22T17:07:00.001+05:30

ఎప్పుడు చూసినా టి. ఆర్. యస్ అధ్యక్షులు తెలుగు తల్లి అంటే మంది పడుతూ ఉంటారు. అది ఎందుకో నా మట్టి బుర్రకు ఎప్పుడూ అంతుపట్టదు.

తెలుగు తల్లి అనేది తెలుగు భాషకు మాతృస్తానం ఇచ్చి తెలుగు ప్రజలందరూ గౌరవించు కోవటం అనుకుంటున్నాను. తెలంగాణలో ఉండాల్సింది తెలుగు తల్లి కాదు తెలంగాణా తల్లి అనటం ఏమిటో దానికి తెలంగాణా మేధావులు వంతపాడటం ఏమిటో నాకు అర్ధం కావటం లేదు. తెలంగాణా కావాలనుకునే వారి ఆకాంక్ష ను నేను తప్పు పట్టటం లేదు. తెలంగాణా, కోస్తాంధ్ర, రాయల సీమ అనేవి త్రిలింగ దేశం లోని వివిధ ప్రాంతాలకు ప్రతిరూపం గా చెప్పుకునే పేర్లు. కానీ తెలుగు అనేది ఈ మూడు ప్రాంతాల ప్రజలు మాట్లాడుకునే భాష. మాండలికాలు, యాసలు వేరు అయినంత మాత్రాన మాతృభాష మారదుగా.

తెలుగు తల్లి అనేది తెలుగు ప్రజలందరికి తల్లే కదా? తెలంగాణా లోని భాష తెలుగు కాదా? ఆంధ్ర తల్లి అనో సీమ తల్లి అనో అని ఎవరన్నా అంటే అప్పుడు తెలంగాణా తల్లి అనే వాదన తీసుకు రావటం లో అర్ధం ఉంటుంది.

భాషకు మాతృస్తానం ఇచ్చి నప్పుడు ఏ ప్రాంతం వారు అయినా దాన్ని వ్యతిరేకించటం అర్ధ రహితం. తెలంగాణా కావాలనుకునే ఆకాంక్ష కోసం తెలుగు భాషను చిన్నబుచ్చ వద్దు.

మీ

స్నేహితుడు

హీరోలు మాత్రమే దోషులా?

2010-08-21T21:15:00.004+05:30

టాలీవుడ్ హీరోల్లో ఎవరెవరు డ్రగ్స్ కేసు ల్లో ఇరుక్కున్నారో ఇరుక్కో బోతున్నారో అంటూ మీడియా అంతా హోరెత్తి పోతుంది. నిజం గా డ్రగ్స్ వాడటం తప్పే కాదనలేం. సినిమా హీరోలు హీరోయిన్ లు అందరూ నిజజీవితం లో కూడా హీరోల్లా ఉండరనేది వర్తమాన భారతం లో జనమెరిగిన సత్యం.

సెలెబ్రిటీల వార్తలంటే ప్రజానీకానికి ఆసక్తి ఎక్కువ కాబట్టి మీడియా దృష్టి అంతా వీళ్ళ మీదే ఉంచి, ఈ సమస్య మూలాల మీద ఫోకస్ తక్కువ పెడుతున్నారు.

కొకైన్ ఎవరు కొంటున్నారు అనేదానికన్నా, అసలు కొకైన్ ఇండియా లోకి ఎలా వస్తుంది? సముద్ర మార్గం ద్వారానా? వాయు మార్గం ద్వారానా? ఏ మార్గం ద్వారా వచ్చినా కస్టమ్స్ అధికారులు ఏం చేస్తున్నారు.?

కస్టమ్స్ అధికారుల కళ్ళు గప్పి ఇండియా లోకి వచ్చాక కూడా వివిధ నగరాలకు ఎలా చేరవేయ గలుగుతున్నారు. నిఘా అధికారులు ఏం చేస్తూ ఉన్నారు?

ప్రతిపక్షాల వ్యవహారాల మీద, స్వపక్షం లో తోక ఝాడించే వారిమీద నిఘా పెట్టటానికే అధికారులను ఉపయోగించుకుంటున్నదా అధికార పక్షం. ?

మన దేశ మాజీ రాష్ట్రపతి నే బట్టలు విప్పి చెక్ చేసారట వేరే దేశపు అధికారులు. గోద్రాలో మతకల్లోలాలకి భాధ్యుడిని చేసే ఒక రాష్ట్ర ముఖ్య మంత్రికే వీసా మంజూరు చెయ్యలేదు అదే దేశం.

మరి మనం? మన దేశం లోకి వచ్చే దెవరో .. వారు వెళ్ళారో లేదో... తెలుసుకోలేని స్థితిలో ఉన్నాం.

విదేశీయులు విజిటింగ్ వీసా మీద వచ్చి ఏళ్లకేళ్ళు మనదేశం లో పాతుకు పోతుంటే అధికార యంత్రాగం ఏం చేస్తున్నట్లు. ?

అసలు విజిటింగ్ వీసాల మీద వచ్చి గడువు లోపల దేశం విడవని వారి వివరాలు & ఫోటోలు అన్ని రాష్టాల పోలీసు యంత్రాగానికి అందించి అలాంటి ఎలుకల్ని కలుగుల్లో నుండి బయటకు ఎందుకు రప్పించరు.?

ఇలాంటి వాళ్ళే నేషనల్ సెక్యూరిటీకి భంగం కలిగిస్తున్నారు. వేలాది మంది విజిటింగ్ వీసాల మీద, ఇరుగు పొరుగు దేశాల నుండి తప్పుడు వీసాల మీద వచ్చి పాత నగరం లో పాతుకు పోయి దేశాన్ని నాశనం చేస్తున్నారు.

పొరుగు దేశాల నిఘా వర్గాలు దొంగ నోట్లు ముద్రించి మన దేశం లో వాటిని చెలామణి చేసి మన ఆర్ధిక వ్యవస్థని చిన్నాభిన్నం చేస్తున్నసంగతి తెలిసీ వాటిని నిరోధించలేని మన నిఘా వ్యవస్తని సంస్కరిస్తే దేశానికి ఎన్నో ఇక్కట్లు తొలగి పోతాయి.

ఇంటలిజెన్స్ వర్గాలని అధికార పక్షాలు తమ ఇంటి పాలేరులుగా వాడుకూవటం మానేసి దేశం లో అసాంఘిక శక్తుల మీద నిఘా పెంచితే బాగుంటుంది.

కనీసం మీడియా తమ ప్రయత్నం గా ఇలాంటి విషయాల మీద చొరవ చేస్తే బాగుండు.

రాజ్ భవన్ లో మాజీ గవర్నర్ శృంగార లీలల మీద కాదు స్టింగ్ ఆపరేషన్ లు చెయ్యాల్సింది. దేశం లో యువశక్తిని నిర్వీర్యం చేసే వర్గాలను బయట పెట్టె స్టింగ్ ఆపరేషన్ లు కావాలి.

అలా చెయ్యబోయే తొలి జర్నలిస్ట్ కి ఇప్పుడే చేస్తున్నా పాదాభి వందనం.

మీస్నేహితుడు

పరాయి ఆడవాళ్ళని వాళ్లకి ఇష్టం లేకుండా ఆశించే మగాళ్ళు కీచకులు.... మరి ఈ ఆడ వాళ్ళని ఏమని పిలవాలో....?

2010-08-19T21:04:00.009+05:30

పరాయి ఆడవాళ్ళని వాళ్లకి ఇష్టం లేకుండా ఆశించే మగవాళ్ళని మహా భరతం లోని కీచకుడితో పోల్చుతూ అపర కీచకులు అంటున్నారు. (ఈమధ్య ఎవరో నరరూప కీచకులు కూడా అన్నారు. కీచకుడు నరుడు కాదా?)

మరి భర్త నుండి విడిపోయి ఆడుకోమన్న మహిళతో సాటి మహిళా మణులు అదీ సాక్షాత్తూ వారి తల్లి గారూ, సోదరీ మణి గారూ చెప్పిన సలహా చూడండి.

ఆడది అర్ధరాత్రి రోడ్డు మీద స్వేచ్చగా తిరగటం ఏమో కానీ పట్టపగలు పుట్టింటిలో మానం నిలుపుకుంటే చాలు.

మరి స్త్రీవాదులమంటూ గొంతు చించుకునే మహిళా శిరోమణులు, పురుష పుంగవులూ ఇలాంటి సంఘటనల మీద ఏనాడూ పెదవి విప్పిన పాపాన పోరు.

మగాళ్ళంతా చెడ్డ వాళ్ళూ కాదు ఆడవాళ్ళంతా మంచి వాళ్ళూ కాదు.

కాదంటారా?

భీమిలి బీచ్ ఒడ్డున ఓ సాయంత్రం

2010-03-19T08:47:00.002+05:30

నూతన వధువు

2010-03-15T22:35:00.002+05:30

పెళ్లి పందిరిలో నూతన వధువులా చిరు నవ్వులు చిందిస్తూ

శోభన గదిలో కన్నె పిల్లలా సిగ్గులమొగ్గలు పూయిస్తూ..

వస్తున్న సరికొత్త సంవత్సరమా..

కొత్త కోరికలా కళ్యాణమండపం లో

అంతులేని ఆశల పీటలు

నీ కోసం కొలువు తీరి ఉన్నాయిలే..

వడివడిగా పరుగులిడే నిత్య యవ్వనుడు

ఆ కాలపురుషుడే నీ వరుడమ్మా...

ఎన్నడు ఆగక అలుపే ఎరగక గిర్రున తిరిగే

కాలచక్రమే పూజారి

గతవత్సరపు వెలుగు నీడలే

జలతారు పరదాలు

ఎన్నో కోరికలే సన్నాయి మేళాలు

ఎనలేని ఆశలెన్నో ఈ పెళ్ళికి బాజాలు

గతకాలపు తీపిగురుతులే మామిడి తోరణాలు.

నిముషాలన్నీ కలసి నుదుటిన బాసికమై

ప్రతి క్షణమూ నీ పెళ్లి సందడియై

ప్రజలందరి ఆనందం అక్షింతల జల్లై

ప్రతి ఒక్కరి శుభాకాంక్షలూ పెళ్లి కానుకలై

ఆరు రుతువులూ ఆహుతులై

చేదుఘటనలే అగ్ని హోత్రమై

తీపివార్తలే పెళ్లి విందుగా

కొంగుముడి పడుతుందీ కాలపురుషుని ధర్మపత్నిగా

అసమర్ధుని ప్రేమలేఖలు-2

2010-02-14T19:39:00.003+05:30

ప్రియా...

తనను తాను మర్చిపోవటం అనేది అందరికీ సాధ్యం కాదు. ఏ కొద్ది మందికో తప్ప.

ఆ కొద్దిమందిలో నేనూ ఒకడిని అయినందుకు గర్వపడాలో... ఆ అనుభూతిని నాకు పంచిన నువ్వు దూరమైనందుకు బాధ పడాలో అర్థం కాక నా మనసు విల విల లాడుతుంది.

నిజం ప్రియా...

నీ సన్నిధిలో నేను గడపిన ప్రతీక్షణం నన్ను నేను మరచిపోయాను. నా కంటూ ఓ మనసు, ఓ ప్రాణం, ఓ శరీరం ఉందని నేను మరచిపోఎంత మధురానుభూతులు నీ సాన్నిహిత్యం లో నాకు లభించాయి. నాకు సంబంధించినంత వరకూ ఆ మధురనుభూతులన్నీ అవ్యక్తానుభూతులే.

ఆ అనుభూతులన్నీ భవిష్యత్తులో జ్ఞాపకాలుగా మారిపోతాయని ఏనాడూ నేను అనుకోలేదు.

ఈనాడేమో... ఒకనాటి నిజాలన్నీ నేడు జ్ఞాపకాలే అని తలచుకుని ఆ జ్ఞాపకాలే ఊపిరిగా మార్చుకుని బతుకుతున్నాను.

నువ్వు నాకు మాత్రమే జ్ఞాపకమని... మరో చోట నువ్వు నిత్య నూతన సౌభాగ్యానివి అని నా మనసుకి సర్ది చెప్పి ఊరడిస్తున్నాను.

కానీ అదేమీ బండరాయి కాదు కదా నా ఊరడింపులు వినటానికి.

పది వసంతాలు నీ ధ్యానమే ప్రాణం గా నీ రూపమే జీవం గా నీ తలపులే ఊపిరిగా నీ ఊహలే ఆశలుగా మార్చుకుని ఉన్న ప్రేమ పూరితమైన మనస్స్సు అది. అందుకే నామాటలు దానిని సంతృప్తి పరచలేకపోయాయి.

" ఓసి పిరికి మనస్సా... ఇప్పుడు బాధపడి ఏమి ప్రయోజనం? తన సాన్నిహిత్యం గతం లోకి జారక మునుపే ధైర్యం చెయ్యాలి. ధైర్యం లేకుండా ఏదైనా ఎలా సిద్ధిస్తుంది. ?" అని నేను నా మంసస్సుని దెప్పి పొడిచాను.

"ఓ అసమర్ధ ప్రేమికుడా.. నాకు ధైర్యం లేక కాదయ్యా... నీ ప్రియురాలి సాన్నిహిత్యం దూరం అవుతుందేమో అని నీవే ఆవిషయం బయట పెట్టవద్దు అన్నావు. ఇప్పుడు నువ్వు చింతిస్తూ నన్ను బాధపెడతావెందుకు?" అని నన్నే మందలించింది.

నిజమే ఇప్పుడు బాధ పడి ఏమి ప్రయోజనం... నీ హితం కోరుకోవటం తప్ప....

నీ...

హితుడు... స్నేహితుడు.

నీ స్నేహం

2010-02-14T00:09:00.004+05:30

నవ్వుల చినుకుల్లో తడిమేసే తడి తపనల్లో

నిట్టూర్పుల తాకిడిలో

త్రుళ్ళిపడే సంకీర్తనల్లో

తొలకరి తరువాత అలరించే ఇంద్రధనస్సుల్లో

నడిసంద్రంలో భయపెట్టే నిశ్శబ్దంలో

నిన్నటి అల్లరుల పరవశాల్లో

నేటి అనుభవాల ఆలోచనల్లో

కంటిపాపని కాపాడే కనురెప్పై

కారుచీకట్లలో మెరిసే సౌదామినియై

అనుక్షణం నీవెంటే నేనున్నానంటూ తోడుండే నీడలా

సైన్యం, ధైర్యం, స్థైర్యం, సర్వం అన్నీ తానే అనిపించేది నీ స్నేహం

ఓ అసమర్ధుని ప్రేమ లేఖలు-1

2010-02-13T19:38:00.004+05:30

ప్రియా..

తొలి వలపు వలచిన నాడు అనుకోలేదు...
ఈ వలపు తలపులకే పరిమితమని.

తొలి తలపు మది తట్టినప్పుడు అనుకోలేదు...
జీవితాంతం నా తోడు తానేనని.

తొలి ఊహ మదిలో మెదలినప్పుడు అనుకోలేదు
జీవితాంతం ఆ ఊహలు మాత్రమే ఊపిరి అని

తొలి ఆశ నన్ను తట్టినప్పుడు అనుకోలేదు
నా ఆలోచనలు ఆశల వరకే పరిమితం అని

చిన్నప్పుడు ఆడుకున్న బుల్లి బుల్లి ఆటలు నిజమైతే ఎంత బాగుండు. ఆ రోజులే కనుక తిరిగి వస్తే?
తలచుకుంటేనే మదిలో ఆనందం, హృది లో సంతోషం, ఎదలో పులకింత

నిజం ప్రియా...

ఆ రోజులూ నేటి ఆలోచనలు కలగలసి వస్తే నా అంతటి అదృష్టవంతుడు ఈ భూమి మీద ఉండడు.

కానీ అది సాధ్యమేనా? కాలాన్ని వెనక్కి తిప్పటం సాధ్యమేనా?

నాకు కాలం మీద పరిశోధనలు చెయ్యాలని ఉంది. కాలాన్ని వెనక్కి తిప్పటం కోసం.

ఎప్పటికీ చిన్న పిల్లలం అయిపోయినా బాగుండు. కనీసం స్నేహితుడు గా అయినా ప్రతీ రోజూ నీ సన్నిధిలో ఉండేవాడిని.

గడచిన జన్మలో ఏ ప్రేమ జంటను విడదీసానో.. ఈ జన్మలో ఈ వేదన నాకు...

నీ......

ఓ లక్ష్మణ రావు గారూ

2010-02-02T23:26:00.003+05:30

ఓ పసితనం మాడిన వేళ, ఓ పితృ హృదయం ఆగిన వేళ యావత్ ప్రపంచం దృష్టీ అక్కడే ఉంది. కసాయి వెధవలు కిరాయి కోసం చేసిన ఘాతుకాన్ని అందరూ ఖండించటం నిజం గా హర్షణీయం.

కానీ వీళ్ళ కుటుంబ వ్యవహారాలతో ఏ సంబంధం లేని ఓ పేద డ్రైవర్ హత్య మాత్రం ఏ ఒక్కరి కంటికీ ఆనక పోవటం (ప్రధాన మీడియా తో సహా) అంటే బాధాకరం. నా వరకూ నాకు ఎవరి హత్య అయినా ఒక్కటే. కారు డ్రైవర్ లక్ష్మణ రావు, చిన్నారి తల్లి వైష్ణవి ల హత్యలతో ప్రత్యక్షం గా, వైష్ణవి తండ్రి ప్రభాకర్ చావుకి పరోక్షం గా సంబంధం ఉన్న నరరూపరాక్షసులు అందరినీ బహిరంగంగా ఒక్కొక్క అవయవాన్ని రంపాలతో కోసి చంపాలి.

కిడ్నాప్ కి గురైన రోజున (చనిపోయిన వార్త తెలిసేంత వరకూ) నాగ వైష్ణవి పేరు గానీ, ఆమె తండ్రి ప్రభాకర్ పేరు గానీ తెలియని వారే లేరు. కానీ తనకు సంబంధం లేని గొడవల్లో తొలి సమిధగా మారిన కారు డ్రైవర్ లక్ష్మణ రావు పేరు ఎంత మందికి తెలుసు. చావుకి పేదైనా గొప్ప అయినా ఒక్కటే. ఓ పేద కుటుంబం లో సంపాదించే వ్యక్తి పోతే ఆ కుటుంబానికి ఆలంబనే ఉండదు. తన కోసం మనమేమీ చెయ్యలేకపోయినా అశ్రువొక్కటి ధారపోద్దాం.

ఓ లక్ష్మణ రావు గారూ, అందుకోండి మీ ఆత్మ శాంతి కోసం నా అశ్రు నివాళి.

మీ
స్నేహితుడు

(ఇక్కడ నేను చెప్పినవన్నీ నా స్వంత అభిప్రాయాలు. ఏ విధంగా నైనా నాకు తెలియకుండా ఎవరి మనసునైనా నొప్పించి నట్లు రాస్తే నన్ను మన్నించండి)

దిన దిన గండం నూరేళ్ళ ఆయుష్షు

2010-01-09T23:59:00.002+05:30

సెప్టెంబర్: వై.ఎస్. దుర్మరణం

అక్టోబర్: కనీ వినీ ఎరుగని వరదలు

నవంబర్ & డిసెంబర్: జై తెలంగాణ.. జై జై సమైఖ్యాంధ్ర.....

జనవరి: మీడియా పైత్యం & యుద్ధం

ఫిబ్రవరి: ???????

పాపం రోశయ్య దిన దిన గండం నూరేళ్ళ ఆయుష్షు అనుకుంటా.... (ఏ టెన్షన్స్ వద్దనుకుని ఎన్నికల్లో పోటీ చెయ్యకుండా కౌన్సిల్ కి వెళ్లి మంత్రి నుండి ముఖ్యమంత్రి కి ప్రమోషన్ సంపాదించుకున్న ఆనందం, మనస్ఫూర్తిగా ఒక రోజన్నాఅనుభవించాడో లేదో పాపం!)

మీ
స్నేహితుడు

(ఇక్కడ నేను చెప్పినవన్నీ నా స్వంత అభిప్రాయాలు. ఏ విధంగా నైనా నాకు తెలియకుండా ఎవరి మనసునైనా నొప్పించి నట్లు రాస్తే నన్ను మన్నించండి)

హలో... బ్లాగ్ స్నేహితులూ... తస్మాత్ జాగ్రత్త ...

2010-01-08T22:16:00.001+05:30

ఏదో దిక్కు మాలిన వెబ్ సైట్ ఓ ఊహా జనిత కధనాన్ని ప్రచురిస్తే తమ తమ స్వార్ధ ప్రయోజనాల కోసం మీడియా ముసుగులో ఏదో సినిమా కధ లాంటి ఆ కధనాన్ని జనాల మీదకు వదిలాయి మన తెలుగు వార్తా సంస్థలు. ఎప్పుడే గొడవ చేద్దామా మన దురద తీర్చుకుందామా అని కాచుకుని కూర్చునే రాజకీయ రోమియోలు, వాళ్ళ అనుచరులు రాత్రి కి రాత్రి అరాచకం సృష్టించేసారు. రాబోవు పరిణామాలు ఆలోచించకుండా తమ TRP ratings కోసం ప్రసారం చేసిన కధనమో, మరి కొందరు అంటున్నట్లు రాజకీయ కుట్రలో మనకు తెలియదు కానీ మన బ్లాగు సోదరులు చాలా మంది కూడా ఆ కధనం ప్రభావం లో పడి పోయి నేను అప్పుడే చెప్పాను అలా జరిగి ఉండవచ్చు అని, ఇలా జరిగి ఉండవచ్చు అని మళ్ళీ బ్లాగేశారు.

కానీ బ్లాగ్ స్నేహితులూ... తస్మాత్ జాగ్రత్త....

మీరు రాసే మీ ఊహాజనిత కధనాలు ఏ ఛానల్ వాడికో తెగ నచ్చేసి వాటిమీద ఏ వెర్రి వెంగళప్ప తో నో చర్చ పెట్టేసి ఓ మూడు నాలుగు గంటల పాటు చర్చ పెట్టేసినా పెట్టేస్తారు పలానా బ్లాగ్ లో ఇలా అంటున్నారు అని. ఇలాంటి కధనాల కోసమే కాసుక్కూచ్చునే బాచ్ తెగులునాట ఏ మూల కెళ్ళినా రెడీ గా ఉంటారని ప్రత్యేకం గా మళ్ళీ చెప్పాలా నిన్న రాత్రి జరిగిన దాన్ని చూసాక.

బ్లాగ్ పాపులారిటీ ఏమో గాని ఆనక పోలీసు కేసులూ గట్రా మన నెత్తి మీదే. ఆ రష్యా వాడైతే మన వాళ్లకి వెంటనే దొరక్క పోవచ్చు కానీ మనమైతే వీళ్ళ చేతులకి చిక్కటం క్షణాల్లో పని.

ఇక నుండి ఇలా జరిగి ఉండవచ్చు అలా జరిగి ఉండవచ్చు అని మనం చెప్పాలన్నా మీడియా దెబ్బ కి మన జాగ్రత్త లో మనం ఉండాలి. కాబట్ట్టి బ్లాగ్ స్నేహితులూ... తస్మాత్ జాగ్రత్త.....

మనం మనుషులమా గొర్రెల మందల్లో గొర్రెలమా?

2010-01-07T23:44:00.001+05:30

దాదాపు గత రెండు నెలలు గా మన రాష్త్రం లో జరుగుతున్న పరిణామాలు, వాటి పై కొంతమంది జనం స్పందిస్తున్న తీరు చూస్తుంటే పై అనుమానం రాక మానటం లేదు.

ఏమిటీ గత కొంత కాలం గా మనకీ మంట?.

తెలుగుజాతి కి ఏదో పీడ పట్టినట్లు మనలో మనమే కొట్టుకోవడం.

పాకిస్తాన్ ఇండియా సైనికుల్లా , కాలికి కత్తి కట్టిన పందెం కోళ్ళలాగా రెండువర్గాలు గా మనం విడిపోయి కొట్టుకొంటుంటే ఏదో రిఫరీ లా ఆ అరవ చిదంబరం గారు ఉన్నట్లు ఉన్నారు.

జై తెలంగాణా అన్న నాయకుల సంబంధీకులు కానీ, జై సమైఖ్యాంధ్ర అనే నాయకుల బంధుగణం లో కానీ ఎవరైనా ఆత్మాహుతి చేసుకున్నారా. సామాన్య జనం తప్ప. వాళ్ళు జై అని మాత్రమే అంటారు తమ రాజకీయ పునాదులు ఆ నినాదాల్లో తవ్వులుని ఉంటారు కాబట్టి. కానీ మనం మాత్రం గొర్రెల మందల్లా జై జై అంటూ ఆత్మార్పణం చేసుకుంటూ ఉంటాం. ఆ ఆత్మార్పణ చేసుకున్న వ్యక్తుల కుటుంబాలు పడే క్షోభని ఈ రాజకీయ నాయకులు, విద్యాలయాల్లో చదువులు చెప్పటం మాని ఉద్యమాలు ఎలా చెయ్యాలో చెప్పే అధ్యాపకులు తీర్చగలరా?

మన ఆస్తులు మనమే నాశనం చేసుకుని మనం బాపుకున్నదేమిటి. బస్సు చార్జీల మోత తప్ప. రవాణా చార్జీల పెంపు ఒక్కటి చాలు మనలాంటి సామాన్యుల జీవితాలని అస్తవ్యస్తం చెయ్యటానికి. ఎందుకంటే మనం ఉపయోగించే ప్రతి వస్తువు ఖరీదులోనూ రవాణ చార్జీ మిళితం అయి ఉంటుంది కాబట్టి.

ఈ రోజున ప్రభుత్వాన్ని మనం గట్టిగా నిలదీయగలిగే నైతికత మనలో ఉందా.? ప్రభుత్వ ఆస్తి అంతే పౌరుల ఆస్తే కదా. మన ఆస్తి మనమే నాశనం చేసుకుని ప్రభుత్వాన్ని ఏమని అడగగలం.

ఉద్యమాల ముసుగులో అరాచక శక్తులకు ఊతం ఇవ్వడం తప్ప ఇంతవరకూ ఎవరికి అయినా ఒరిగింది ఏమిటి.? గొర్రెల మందల్లో గొర్రెల్లా ముందున్న వాడిని అనుసరించి మన జీవితాలని నాశనం చేసుకోవటం తప్ప?

వెయ్యి కోట్ల డీల్సూ... మర్డర్ల మాటలు

2009-09-18T23:11:00.002+05:30

అయ్యా.... రోశయ్య గారూ ....

ముఖ్య మంత్రి గారి ఫోన్ టాపింగ్ చేస్తున్నారంటే నేనేమన్నా వేఉయ్యి కోట్ల డీల్సూ.. హత్యల గురించి మాట్లాడతానా.... నేను ఊళ్ళో వర్షాలు ఎలాపడుతున్నాయి. మన వాళ్లందరూ బాగున్నారా? అనే మాట్లాడతాను కాబట్టి నా ఫోన్ టాపింగ్ చేసినా నాకేం బాధ లేదంటారా ...

అసలు ఒక అధికారం లో ఉన్న వ్యక్తి మాట్లాడే మాటలేనా అవి. బుద్ధీ జ్ఞానం ఉన్న ముఖ్య మంత్రి ఎవరన్నా అలా అంటారా....

వెయ్యి కోట్ల డీల్సూ... మర్డర్ల మాటలు ఫోనుల్లో మాట్లాడుకునే రోజులా ఇవి...

అయినా ఇక్కడి సమస్య మీరేమి డీల్స్ మాట్లాడుతున్నారో అని కాదు. ముఖ్య మంత్రి గారి ఫోన్ నే టాపింగ్ చేస్తున్నారే అని.

స్కాం లు చేసి ఇరుక్కున్నా మీ లాంటి రాజ కీయ నాయకులు బయటకి రాగలరు. కాబట్టి మీఎలాంటి వాళ్లకి టాపింగ్ లో లెక్క కాదు కానీ... సామాన్యుల దృష్టి లో ముఖ్యమంత్రి స్తాయి ఎంత దిగజారుతుంది.

ప్రభుత్వాధి నేత కనుసన్నల్లో మెలగ వలసిన అధికార వర్గం & మంత్రి వర్గం షాడో ప్రభుత్వాధి నేత ఇంటిదగ్గర పెంపుడు కుక్కల్లా తాను ఆడించినట్లల్లా ఆడి ముఖ్యమంత్రిని ఖాతరు చేయకుండా తాన పైకే నిఘా వేస్తే ఇక తమకు నచ్చని వ్యక్తుల విషయం లో వాళ్ళు ఎంత దూరమైనా పోగలరు కదా?

45 ఏళ్ల రాజ కీయ జీవితం మీకు నేర్పిన సంస్కారం ఇదేనా...?

మీ మాజీ నేత రాజీవ్ గాంధీ మీద నిఘా వేసారని ఒక ప్రభుత్వాన్నే కూల దోసిన ఘనత గల పార్టీ తమరిది. మరి ముఖ్య మంత్రి ఫోన్ మీద నిఘా అంతే చిన్న విషయం అయిపోయిందా?

మీ

స్నేహితుడు

(ఇక్కడ నేను చెప్పినవన్నీ నా స్వంత అభిప్రాయాలు. ఏ విధంగా నైనా నాకు తెలియకుండా ఎవరి మనసునైనా నొప్పించి నట్లు రాస్తే నన్ను మన్నించండి)

మంత్రదండం బయటకి తీసి ఖజానాని నింపి వెయ్యవయ్యా....

2009-09-17T22:43:00.003+05:30

తట్టా బుట్టా సర్దుకుని ఇక రాజకీయాలు చాలు శాసన సభ లో నాగం జనార్ధన రెడ్డి తో వేగలెక చస్తున్నాను అంటే నీ లాంటి మాటకారి మాయలోడు లేకపోతె ప్రతిపక్షాలతో వేగటం చాలా కష్టం అని నీకు క్రీడా ప్రాంగణం లాంటి శాసన మండలి లలో కి పంపారు మీ నేత వై.ఎస్. నక్క తోకను తొక్కితే అదృష్టం పట్టినట్లు, వై.ఎస్ పోయి నిన్ను అందలాన్ని ఎక్కేట్టు చేసారు. అది బాగానే ఉంది.

నిన్నటి వరకూ రాష్ట్ర ఆర్ధిక పరిస్థితి బెమ్మాండం అని వై.ఎస్సూ నువ్వూ తోడు దొంగల్లా ఒకే మాట వల్లే వేస్తుంటే నిజమే కామోసూ... రిసెషన్ టైం లో కూడా మన ఆంధ్ర ప్రజానీకానికి మీలాంటి అమాత్యులు దొరకటం మా పూర్వజన్మల పుణ్యమేమో అనుకున్నాం.

కానీ ఇదేన్దయ్యా.... ఒక్క సారిగా రాష్ట్ర ప్రభుత్వం చెల్లించాల్సిన బిల్లులన్నీ ఆపెయ్యటం. ఇది దేనికి సూచన?

మాటల మరాఠీ గాడివైన నువ్వు మాత్రం యధాప్రాకారం ఆర్ధిక క్రమశిక్షణ కోసం అలా చేస్తున్నాం అంటూ ఏదేదో చెపుతున్నావు. కానీ లోపాయి కారీ వార్తల ప్రకారం, ఇప్పుడు రాష్ట్ర ప్రభుత్వ బిల్లులు చెల్లిస్తే తరువాతి జమా ఖర్చుల కోసం ఓవర్ డ్రాఫ్ట్స్ కోసం పరుగులు పెట్టాలి అంటున్నారు.

అంతే కాక మీ మానిఫెస్టో లో చెప్పిన 9 గంటల ఉచిత విద్యుత్ & రేషన్ బియ్యం కోటా పెంపు వాయిదా అన్నట్లు వార్తలు వస్తున్నాయి. రేషన్ కార్డుల ఏరివేత తరువాత కోటా గురించి ఆలోచిద్దాం అనుకుంటున్నారట. మరి ఎన్నికల ముందు కూడా మీ జమానా నే కదా ఉంది. అప్పుడు తెలియలేదా బోగస్ రేషన్ కార్డుల సంగతి. ఏదో సంతర్పణ లాగా మరీ పంచిపెట్టారు కదా తెల్ల కార్డులు. అప్పుడవి మీ వోట్ల కార్డులన్న మాట.

ఇప్పుడు ఖజానా ఖాళీ అయ్యేసరికి మీకు బోగస్ కార్డు ల విషయం అర్జంటుగా ( మీ వై.ఎస్. గారు భువి పై తిరుగాడుతున్నప్పుడే) గుర్తుకు వచ్చింది. ఏమి మాయలయ్యా మీవి?.

దొంగలెక్కలతో (రాజకీయ నాయకులు కాబట్టి మీ దొంగ లెక్కలన్నీ అసెంబ్లీ లో సవాళ్ళతో సరి. అదే వ్యాపారవేత్త లైతే జైలు ఊచలు లెక్కపెట్టిస్తారు) తిమ్మిని బొమ్మిని చెయ్యటం ఇంకా ఎన్నాళ్ళు?

ఇకనైనా ఊసరవెల్లిలాగా రంగులు మార్చటం ఆపేసి జనాలని ఇంకా భ్రమ పెట్టకుండా వాస్తవం లోకి రండయ్యా రోశయ్యా...

13 బడ్జెట్ లు ప్రవేశ పెట్టిన ఆర్ధిక మంత్రవేత్తవి. నీ మంత్రదండం బయటకి తీసి ఖజానాని నింపి వెయ్యవయ్యా...

రోశయ్య గారిలోని 'రోషయ్య' ని బయటకు తెండి.

(నీతో మాట్లాడాల్సిన విషయాలు ఇంకాసిని ఉన్నాయి. అవి రేపు చెప్తాలే..)

మీ

ఆత్మవిశ్వాసం

2009-09-16T21:37:00.001+05:30

నిన్ను నీవు తెలుసుకో నీ శక్తిని నమ్ముకో

అసాధ్యమన్నదే లేదు ఆత్మవిశ్వాసం నీకుంటే

అపజయమే దరికి రాదు ఆత్మస్థైర్యం నీకుంటే

గుండె బలముంటే గెలుపన్నది నీ ఇంటి గడపే

నిన్ను నీవు తెలుసుకో నీ శక్తిని నమ్ముకో

నిరాశతో కుంగిపోకు నీ శక్తే నీకు బలం

ఓటమికి వెరవొద్దు అదే నీ గెలుపుకి తొలి మెట్టు

నొప్పికి వెరవకుంటే ముళ్ళు కూడా పువ్వులే

నిన్ను నీవు నమ్ము కుంటే ప్రతి పనిలో విజయాలే

నాకంటూ ఓ రోజు వస్తుందని కూర్చుంటే

కాలం కరుగుతుంది కాని నీకా రోజు రాదులే

ఈ రొజునే నీ రోజుగా చేసుకో

ప్రతి క్షణం విజయం నీదని తెలుసుకో

నిన్ను నీవు తెలుసుకో నీ శక్తిని నమ్ముకో

సలహాలకేముంది ఎవరైనా ఇస్తారు

సాయం చేయ రమ్మంటే వారంతా పరారు

దేవుడేమి చేస్తాడు నీ ప్రయత్నం లేకుండా

నీ శ్రమ తోడైతే ఆ దేవుడే నీకు జోడు

నీ ఖర్మకు నీవు కాక ఎవరు బాధ్యుడు

నీ లక్ష్య ఛేదనకు ఆత్మ బలమే ఆయుధం

నీ కలల సాధనకు ఆత్మ విశ్వాసమే అస్త్రం

నిన్ను నీవు తెలుసుకో నీ శక్తిని నమ్ముకో

వీరాధి వీరుడా స్టారాధి స్టారుడా.... డిపాజిట్ ఏదయ్యా?

2009-09-15T22:41:00.003+05:30

సినీ వినీలాకాశం లో అగ్ర తారగా ఓ వెలుగు వెలుగిన మెగా స్టారుడా అచ్చిరాని రాజకీయాలు నీకెందుకయ్యా...?

మళ్ళీ నీ మార్కు వ్యంగ్య భరిత డైలాగులతో సినిమాలు తీసుకుంటే ఉపయోగం ఉంటుందేమో ఆలోచించవయ్యా....

ఝెండా పీకేద్దాం అనగానే ఉగ్రనరసిహుడిలా ఆవేశ పడితే, రామోజీ రావుగారు ఝెండా పీకేద్దాం అనే వార్తాకధానం ప్రచురించి ఒక విధం గా మీకు మంచే చేసారనుకున్నా. ఇంకేముంది చాలెంజ్ సినిమా లో లా మీ సత్తా టెక్కలి ఉప ఎన్నికలనుండి చూపించటం మొదలెట్టేస్తారు అనుకున్నా.

సానుభూతి వల్ల మీరు (మీ పార్టీ అభ్యర్ధి) గెలవలేరు కానీ మంచి పోటీ ఇస్తారనుకున్నా. కానీ జనాలకి మీ మీద ఎంత నమ్మకముందో చూడండి. ఆరు నెలల్లో మీ ఓటర్లను సగం తగ్గించేసింది.

మీరు అన్నారు సానుభూతి వల్లే కాంగ్రెస్ గెలిచింది అని. అది నిజమే అనుకుందాం మరి తెలుగుదేశానికి ఏం సానుభూతి ఉండి కాంగ్రెస్ తో పోటాపోటీగా రాగలిగారు.

అంటే ఇప్పటికి కూడా ప్రజలకి ప్రత్యామ్న్యాయం గా తెలుగుదేశాన్నే భావిస్తున్నారు.

అంటే ప్రతిపక్ష పాత్ర మీకంటే వారు పోషిస్తున్నారనే కదా. మీరు ప్రతిపక్ష పాత్ర సరిగ్గా నిర్వర్తిస్తుంటే జనాలు మిమ్మల్ని కూడా ఇంకా గోదా లోనే ఉంచేవారు.

ఆటలో విజయం కోసం చూసే ఆటగాడి కంటే, ఒక జట్టు కి అనుకూలంగా నిర్ణయాలు వెలువరించే అంపైర్ ని జనాలు మీలో చూసారు కాబట్టే మీకు పడాల్సిన ఓట్లు కూడా ఆ జట్టు ఖాతాలోకే వేసేసారు జనాలు.

మీరు వచ్చింది మార్పు కోసం అన్నారు. సినిమా లలో మీకున్న అభిమానుల్ని మీ వోటర్లు గా మార్చుకోలేని మీరు మా జీవితాల్లో ఏం మార్పు తీసుకువస్తారు.

జనాలు మీ నుండి ఆశించింది మార్పుని. ముందు ఆ మార్పుని మీలో , మీ బావ మరిదిలో, మీ నాయకుల్లో & మీ పార్టీ పునాది రాళ్ళల్లో తీసుకు రండి.

కాంగ్రెస్ లో ఎవర్ని ముఖ్యమంత్రి ని చెయ్యాలో మీ శాసన సభ్యురాలి కి ఎందుకండీ?

అది ఆమె వ్యక్తిగత అభిప్రాయం అన్నారు. కానీ రాజకీయ పార్టీ లో పార్టీ అభిప్రాయమే బయట పడాలి కానీ ఎవరికీ వారు తమ తమ వ్యక్తి గత అభిప్రాయాలని ఇష్టం వచ్చి నట్లు పబ్లిక్ లో చెప్పుకుంటూ పోతే ఏది మీ పార్టీ అభిప్రాయమో ఏది వ్యక్తిగత అభిప్రాయమో చెప్పటానికి మీ పార్టీ తరపున ఒక ప్రతినిధిని పెట్టాల్సి రావచ్చు చూసుకోండి మాస్టారూ...

లేదంటే ఈ వ్యక్తిగత అభిప్రాయాలతో మీ పార్టీ కాంగ్రెస్ పార్టీ కి తోక పార్టీలా మారటానికి ఎక్కువ సమయం పట్టదు.

మీ

కాంగ్రెస్ దేవుడు వై.ఎస్ పాలన అంత బాగుంటే...

2009-09-14T22:01:00.000+05:30

పై లోకాల్లో ఉన్న కాంగ్రెస్ తాజా దేవుడు వై.ఎస్. ఆశీస్సులు, ఆయన గారి పై వెల్లు వెత్తుతున్న సానుభూతి ఇవన్నీ కలపి మిగిలిన పార్టీలు అసలు ఖాతాలు ఓపెన్ చేస్తాయా అనిపించింది టెక్కలి ఉప ఎన్నికల్లో . కానీ ఫలితాలు చూస్తే అంత సానుభూతిలోనూ 7 వేల చిల్లర ఆధిక్యం మాత్రమే వచ్చింది. అదీ ప్రతిపక్ష నాయకులెవరూ ప్రచారం చెయ్యకుండా.... వాళ్ళు కూడా పూర్తి ప్రచారం చేసి ఉంటే ఫలితం ఎలా ఉండేదో మరి?

నిజం గా రాష్ట్రమంతా వై.ఎస్ మేనియా తో ఊగిపోతుంటే, రెండు సానుభూతులూ (వై.ఎస్ & రేవతీ పతి) కలిస్తే ఎంత భారీ ఆధిక్యం రావాలి పాలక పక్షానికి. ఎన్నో వందలమంది చావులని తన ఎకౌంటు లో వేసుకుని వెళ్ళిన కాంగ్రెస్ దేవుడు వై.ఎస్. గారి పరిపాలన అంత సుభిక్షం గా ఉంటే ఈ పరిస్థితి ఎందుకో పాలక పక్షానికి.

మన భారతీయులు పోయినాళ్ళంతా మంచివాళ్ళే అని ఎలాంటి వాడు చనిపోయినా తన గురించి మంచిమాటలే చెప్పుకుంటాం. అంత మాత్రాన తను చేసిన పనులన్నీ మంచివి అయిపోవు.

ఒక MLA చస్తే ఆయన గారి భార్యామణి లేదంటే సుపుత్రుడో తనూ లేకపోతే సోదరుడో.... వీళ్ళు తప్ప మరో నాయకుడు దొరకనంత దౌర్భాగ్య స్తితి లో ఉన్నాయా మన రాజ కీయ పార్టీలు.

ఈ రోజు వచ్చిన ఫలితం చూస్తే అర్ధమవుతుంది వై.ఎస్.ఆర్ మరణించకుండా ఉండి ఉంటే వచ్చే రిజల్ట్ ఏమిటో....

ఆయన ఈ లోకం నుండే నిష్క్రమించాడు. ఆయన ను పెంచి పెద్ద చేసిన పార్టీ లో ఎంతో మంది నాయకులు ఉన్నారు. కానీ వై.ఎస్ గారి అనుచరుల దృష్టిలో ఆ నాయకులెవరికీ ఆయన గారి ఆశయాలను నెరవేర్చే సామర్ధ్యం లేదట ఆయన గారి సుపుత్రుల వారికి తప్ప. ఇదేమన్నా రాచరికమా? తండ్రి పోగానే పదవి కట్ట బెట్టటానికి? ఇంకెందుకు 125 ఏళ్ల చరిత్ర కల పార్టీ మాది అని చంకలు గుద్ది చెప్పుకోవటంతీసుకు వెళ్లి తుంగలో తొక్కుకోక.

ఒక నాయకుడు చస్తే ఆయన గారి ఆశయాలని నెరవేర్చే సామర్ధ్యం లేని నాయకులు కానరాని పార్టీ అయిపోయిందా కాంగ్రెస్ వై.ఎస్. వందిమాగధుల దృష్టిలో ? పొద్దున్న లేస్తే జగన్ ముఖ్యమంత్రి కావాలని ఆత్మ హత్య చేసుకున్న వారి చిట్టా పద్దుల పేపర్ ఒకటి. ఒక్క పనికి వచ్చే న్యూస్ కనపడటం లేదు వారికి జగన్ ముఖ్యమంత్రి కావాలనే తపన తప్ప.

యధా రాజకీయులు తధా వార్తా పత్రికలూ.

ఇదీ నేటి భారతం

మీ

మన పాలక పార్టీ పేరు కాంగ్రెస్సా లేక కాంగ్రెస్ (ఐ) నా ?

2009-09-11T19:44:00.001+05:30

ఇప్పుడు మన రాష్ట్రం లో & దేశం లో పరిపాలన సాగిస్తున్న పార్టీ కాంగ్రెస్సా లేక ఇందిరా కాంగ్రెస్సా (కాంగ్రెస్ (ఐ)).

ఎందుకంటే, ప్రస్తుతం 125 ఏళ్ల చరిత్ర ఉందని చెప్పుకుంటున్న ప్రస్తుత కాంగ్రెస్ నా చిన్నప్పుడు ఎక్కడ చూసినా కాంగ్రెస్ (ఐ) అనే పిలవబడేది. దానితో పాటు ఇంకా కాంగ్రెస్ (జే) & కాంగ్రెస్ (ఎస్) అని కూడా ఉండేవి.

కానీ ప్రస్తుతం కాంగ్రెస్ (ఐ) అనే పదమే వినపడటం లేదు.

కాంగ్రెస్ (ఐ) మళ్ళీ కాంగ్రెస్ గా మారిపోయిందా? మారితే ఎప్పుడు మారింది?

ఎవరికైనా తెలిస్తే చెప్ప గలరు.

మీ
స్నేహితుడు

సోనియా జీ..... మాకున్న అర్హత 30 ఏళ్ల నెహ్రూ కుటుంబ విధేయత & ఓ కర పత్రిక

2009-09-10T22:16:00.003+05:30

జగన్ ని ముఖ్యమంత్రి ని చెయ్యటానికి ఆయన గారి పత్రిక ఎంత కంకణం కట్టుకుందో పైన ఉన్న యాడ్ ని చూస్తేనే అర్ధం అవుతుంది.

2014 లో రాహుల్ గాంధీ ని ప్రధాని చెయ్యాలనే వై.ఎస్ గారి కలని పదే పదే (దాదాపు ప్రతి రోజూ పేపర్ లో టీవీ లో ఇదే భజన) ప్రస్తావించటం దారా రాష్ట్రం లో తమను మించిన విధేయులు వారికెవరూ దొరకరని చెప్పకనే చెప్పేవాళ్ళు. ఈ రోజు దాన్ని పబ్లిక్ గా చెప్పుకున్నారు.

"2014 నాటికి రాహుల్ గాంధీ ఈ దేశానికి ప్రధాని... ప్రజలు తప్పకుండా పట్టం కడతారు " ఈ మాటలన్న వై.ఎస్. ధీమా వెనక ఉన్నది రాహుల్ పై అభిమానమే కాదు ఆ కుటుంబం పై ఉన్న మూడు దశాబ్దాల విధేయత.

అసలు నాకర్ధం కానిది ఈ కాంగ్రెస్ వాళ్ళకి నెహ్రూ గారి వారసుల మీద ఉన్న విధేయత జాతి పిత గాంధీ గారి వారసుల మీద ఏ నాడూ ఉండదు ఎందుకని.?

ఆయన వారసులు ఏ అత్యున్నత పదవుల్లోనూ లేరు కాబట్టి.

రాజ్యాంగ పరం గా అత్యున్నత పదవుల్లో ఉన్న వారికి విధేయులై ఉంటే తమకూ ఓ పరగణా కు ఆధిపత్యం వహించే అవకాసం ఉంటుంది కాబట్టి.

ప్రజలకు కావాల్సింది నెహ్రూ గారి కుటుంబం మీద విధేయత ఉన్న వాళ్ళు కాదు. ప్రజల మీద ప్రజాస్వామ్యం మీద విధేయత ఉన్న వాళ్ళు కావాలి.

మా తాతలు నేతులు తాగారూ మా మూతులు వాసన చూడండీ అన్నట్టు గాంధీ దగ్గర నుండి వై.ఎస్. వరకూ ప్రజల మీద ఉన్న విధేయత ఉన్నంత మాత్రాన ఆ విధేయత మాకూ ఉంది అంటే కుదురుతుందా...

కొన్నాళ్ల పాటు దాన్ని నిరూపించుకుంటే వారసత్వం దానికదే వస్తుంది.

అశ్రువు

2009-09-10T19:37:00.006+05:30

కను రెప్పల మాటున

కను కొలనుల్లో పుట్టి

కను కొనల నుండి జాలువారే ఓ కన్నీటి ముత్యమా

గుండెలో ఎగదన్నే బాధల నుండి

నన్ను సేద తీర్చడానికి

నీ జన్మస్థానానికి వీడ్కోలు చెబుతున్న క్షణాన

నీ పేరు దుఃఖాశ్రువు కదూ

మది నిండిన ఆనందంలో కూడా

నీ మాతృస్థానానికి వీడ్కోలు చెబుతావు కదూ

అప్పుడు నీ పేరు ఆనందభాష్పమా

నీవు నీ మాతృమూర్తి వడి నుండి

జారిపోతున్న క్షణాన

ఎదుటి మనిషి మనసు పొరల్ని మీటి దానిలో ఆర్ద్రత కలిగిస్తావు కదూ

మనిషి కష్ట సుఖాల్లో,

తన మనసుకి ప్రశాంతత కలిగించే శక్తితో భారమైన మనసులను

నీ వీడ్కోలుతో తేలిక పరుస్తావు కదూ

జ్వలనం

2009-09-09T23:00:00.003+05:30

ప్రియా.... నీవొక కాంతి కిరణానివి.

నేను ఒక చిన్న మంచు బిందువుని.

నీ వేడి తాకిడికి నేను కరిగి ఆవిరి అయిపోతున్నాను.

జారిపోతున్న నా ఆత్మ నీ చుట్టూ పరిభ్రమించాలనే ఆశతో ఉంది.

నీపై పగతో కాదు... నిన్ను మరువలేక...

నీ సాన్నిహిత్యం సదా కావాలని అనుకుంటుంది నా ఆత్మ.

నీ అమృత స్పర్శతో మరొక్క సారి పునీతమవ్వాలని అనిపిస్తుంది.

కాని నువ్వేమో నన్నే లేకుండా చేస్తున్నావు.

అయినా నీపై నాకు కోపం రావటం లేదు.

ప్రియమైన వాళ్ళు ఏం చేసినా అలానే ఉంటుందేమో.

నీవు స్పర్శిస్తేనే ఆవిరి అయిపోతున్న నేను నీవు జ్వలిస్తే ఏమయిపోతానో.

ఇప్పుడు పొందుతున్న అదృశ్యరూపం కూడా నాకు మిగలదేమో.

నీవు జ్వలిస్తూ నన్ను తాకితే ఆ స్పర్శ ఎలా ఉంటుందో చూడాలని ఉంది.

అందుకోసం మరొక్కసారి మంచుబిందువునై పుట్టాలని ఉంది.

కాని నీవు జ్వలించే సమయంలో నాకంటూ రూపు ఉండదు కదా....

నేను మరలా రూపం దాల్చాలంటే నీ స్పర్శ కూడా తగలని ప్రాతఃకాలంలో జన్మించాలి.

దానికోసం మరో పగలు, రాత్రి గడవాలి.

రోజుకొక్కసారే కదా నీవు నన్ను తాకే అదృష్టం నాకు కలుగుతుంది అని చాలా బాధగా ఉంది

ప్రియతమా...

కలల లోగిలి

2009-09-08T20:41:00.002+05:30

నా కలల లోగిలి లోకి తొంగి చూడు నేస్తం

అక్కడ ఉన్న నీ రూపాన్ని మాత్రం దొంగిలించకు

నా ఊహల ఊగుటుయ్యాలలో ఊగి చూడు నేస్తం

అక్కడ ఉన్న నీ ఊసులను మాత్రం తస్కరించకు

నా తలపుల పల్లకిలో పవళించు నేస్తం

అక్కడ ఉన్న వలపు పరదాలను మాత్రం కదిలించకు

శాంభవి.... టిబెట్ స్వేచ్ఛా ప్రధాత?

2009-09-07T21:24:00.004+05:30

కోటప్ప కొండకు దైవ దర్శనానికి వెళ్ళిన శాంభవి అనే బాలికను అదే పనిగా ఈ రోజు అంతా TV9 లో చూపిస్తూ ఉన్నారు. ఇంతకు ముందు ఆ పాప గురించి కొన్ని వార్తలు చదివాను కానీ ప్రత్యక్షం గా తన మాటలు విన్నది మాత్రం ఈ రోజే.

ఆ చిన్ని పాపని చూస్తుంటే చాలా ముద్దుగా ఉంది. తను వల్లె వేస్తున్న మాటలు అంత కన్నా ముద్దు ముద్దు గా ఉన్నాయి.

కానీ ఆ మాటల్లో సత్యాసత్యాల సంగతేమిటో నాకైతే అంతుబట్టటం లేదు.

నిజానికి ఆ పాపలో అద్భుత గ్రాహక శక్తి ఉండి ఉండాలి.దానిని ఎవరైనా స్వార్ధ పరులు తమ స్వార్ధ ప్రయోజనాల కోసం వాడుకుంటున్నారేమో అనిపిస్తుంది. తను చెప్పే విషయాల్లో ఏదీ నమ్మశక్యం గా లేవు.

తను దలైలామా పూర్వ జన్మలో స్నేహితులట. ఇద్దరూ కలసి గౌతమ బుద్ధుని వద్ద శిష్యులు గా ఉండే వారట. టిబెట్ కి ఇంకొక 3 సంవత్సరాలలో (2012)స్వాతంత్ర్యం ఇప్పించటానికే తాను జన్మించిందట. వీర బ్రహ్మేంద్ర స్వామి వీర భోగ వసంత రాయలు గా 2012 లో జన్మిస్తారట. మంచి వాళ్ళని రక్షించి పిచ్చి వాళ్ళని (చెడ్డ వాళ్ళని కాదు) సంహరిస్తాడట. 2012 లో మంచి భూమి మిగిలి చెడ్డ భూమి నాశనం అవుతుందట. (భూమి లో మంచీ చెడ్డా నాకు అర్ధం కాలేదు).

భారత దేశం బాగానే ఉంటుందట కానీ చైనా, పాకిస్తాన్ & అమెరికా దేశాలు నాశనమైపోతాయట. (బహుశా చెడ్డ భూమి అంటే మనదేశానికి శతృదేశాలేమో అనిపించిది తను చెప్పిన ఈ మాటలు విన్నాక)...

ఇవన్నీ విన్నాక నాకు కొన్ని సంగతులు అర్ధం కాలేదు.

2012 లో సునామీ లు, భూకంపాలు వచ్చి చైనా నేలమట్టమై పోతే ఇక ప్రత్యేకం గా టిబెట్ కి స్వాతంత్ర్యం ఇప్పించటానికి తాను జన్మించవలసిన అవసరం ఏమిటి.

చైనా, పాకిస్తాన్, అమెరికా తదితర దేశాలు సునామీ లు, భూకంపాలు వచ్చి నాశనం అయిపొతే వీరభోగ వసంతరాయలు వచ్చి ఏం చేస్తారు?

ఆ మధ్య ఓ జులపాల స్వామి వారు తమ ముఖార విందాన్ని రాత్రికి చందమామలో దర్శించమని తరువాత తూఛ్... తూఛ్.... ఇప్పుడే కాదు అన్నట్లు, కొన్నాళ్ళాగాక బహుశా 2012 లో) ఈ పాప చేత కూడా నాకు దేవుడి నుండి సందేశం వచ్చింది ఇంకా పాపం పూర్తిగా పండలేదు అందుకే ఇంకా టిబెట్ కి స్వేచ్ఛ రాలేదు అనిపించరంటారా?

ఇలా అంటున్నానని నేనేం నాస్తికుణ్ని కాదు. కానీ దేవుడి పేరు చెప్పి చిన్న పిల్ల చేత ఇలా చెప్పిస్తున్నారేమో అని బాధ గా మాత్రం ఉంది.

స్పర్శ

2009-09-06T14:01:00.002+05:30

నీ పాదం భూమాతకు

తాకిన మరుక్షణం

నా పెదవులు పృథ్విని తాకుతాయి

నీ అడుగులను స్పృశించటానికి

వ్యధ

2009-09-06T10:38:00.003+05:30

నీ పాదం క్రింద మల్లెపువ్వు పడితేనే

నా మనస్సు విలవిలలాడిపోతుంది

పువ్వు నలిగి పోతుందనే బాధతోకాదు

నీ కాలు కందిపోతుందనే వ్యధతో

బానిస నాయకుల్లారా....

2009-09-05T23:59:00.003+05:30

మాకు కావాల్సింది రాచరిక పాలన కాదు. రాజు పోగానే యువరాజు సింహాసనం అధిష్టించే రాచరిక వ్యవస్థ లో మనం లేము. ప్రజాస్వామ్య వ్యవస్థ పునాదులని కూల్చకండి. మీ మీ స్వార్ధ ప్రయోజనాల కోసం మీ బానిస మనస్తత్వాలను ప్రజల మీద రుద్దకండి.

మా జనాలకి వెర్రిగా మిమ్మల్ని అనుసరించటం తప్ప ఏమీ తెలియదు. నేతల అంత్య క్రియల దగ్గర కూడా టీవీ కెమెరా కనబడితే నవ్వుతూ కనపడే మనస్తత్వం జీర్ణించుకుపోయిన అల్ప జీవులం. మా చోటా నేతలేమంటే అదే కరెక్ట్ అనుకునే గొర్రెల మందలాంటి వాళ్ళం.

మాలాంటి అమాయకులతో నిరసన దీక్షలు చేయిస్తూ రాజు గారి తనయుణ్ణి ముఖ్యమంత్రి పీఠానికి వారసుణ్ణి చేయించకండి.

మీకు పదవుల పందేరం చేసిన ఒక నాయకుడు చని పోయాడని తన కొడుకే వారసుడి మళ్ళీ తన తదనంతరం మళ్ళీ తన సంతానాన్నే వారసులుగా కొనసాగాలనుకునే మీ లాంటి రాజ బానిసలే మన ప్రజాస్వామ్యాన్ని ఖూనీ చేస్తున్నారు.

మీకు మహా నాయకుల్లా ఎదగటం రాదు. ఎవడో ఒకడి పంచన చేరి పైరవీలు చేసుకోవటం తప్ప.

నేతలు రావాల్సింది జనాల నుండి... పాత నేతల వారసత్వాల నుండి కాదు.

ఒక నేత దుర్మరణం నుండి పుట్టిన సానుభూతి ద్వారా ఎదిగే వారసుడు కాదు మనకు కావాల్సింది.

వత్సరాలుగా జనాలతో మమేకమైన నాయకుల్లో ఒక మంచి వాడిని నాయకుడి గా ఎన్నుకోండి.

దానికోసం మీ అధిష్టానానికి కాస్త సమయం ఇవ్వండి.

జై జవాన్.... జై కిసాన్

జై హింద్

తెలుగు వాళ్ళు వెర్రి అభిమానులు తమిళులు మర్యాదస్తులు.... హీరోయిన్ త్రిష

2009-09-05T19:39:00.000+05:30

tఈ రోజు సాక్షి పేపర్ తమిళనాడు ఎడిషన్ లో హీరోయిన్ త్రిష చెప్పిన మాటలివి.

నిజమే... మనం కూడా తమిళుల లాగా హీరో లకి హీరోయిన్ లకు గుళ్ళు కడితే మనం మర్యాదస్తులం అవుతాం. పరభాషా హీరోయిన్ లని తీసుకుని వచ్చి మనం నెత్తి మీద పెట్టుకుంటున్నామంటే అది నిజం గా వెర్రి అభిమానమే అయిఉంటుంది.

పూర్తి పోలీసు సెక్యూరిటీ తో ఓ సినిమా షూటింగ్ పూర్తి చేసుకున్న నమిత ని అడిగితే తెలుస్తుంది హీరోయిన్ల పట్ల తమిళుల కున్న మర్యాద.

'ఆకాశ మంత' అంటూ మన మనసుల్ని తట్టిందని మనం తనని మన ఆడపడచుగా ఆదరిస్తున్నాం.అభిమానులే లేకుంటే వీళ్ళకు స్టార్ డం ఎక్కడిది? అభిమానుల అభిమానమే వెర్రి అనుకునే నాయికలు మనకు అవసరమా?

మెరీనా బీచ్ తీరం లో మరియు పబ్ లలో మందుకొట్టి చిందులేసే ఇలాంటి నాయికల మాటలకు విలువ ఇవ్వాల్సిన అవసరం ఉందా అంటే...

విలువ ఇవ్వ వలసిన అవసరం లేకపోయినా తెలుగు వాళ్ళు ఆడవాళ్ళని అల్లరి చేసే చిల్లర వెధవలు అనుకునే ప్రమాదం లేకపోలేదు.

అందుకే నా బాధ.

సినిమా ప్రేమికులారా మంచి సినిమాలని అభిమానించండి. ఇలాంటి నాయికల మీద అభిమానాలు పెంచుకుంటే మనకు మిగిలేది అవమానాలే...

తన ఇంటర్వ్యూ పూర్తి సారాన్ని కింద చూడండి .

ßæÆøÆ‡$$¯Œl KÇÄñæ$…sñæyŠl A…sôæ C…sìæMóS..

{†çÙ

AÀÄ¶æ¬ÐŒl$ ¯é¯]l$ÐŒl$ _{™èl… Ìê…sìæ ïßæÆø-Æ‡¬¯ŒlMýS$ {´ë-Ð]l¬QÅ™èl E¯]l² _{™éÌZÏ¯ól ¯]lsìæÝë-¢¯]l…sôæ C…sìæMìS ç³…í³…^ólÝë¢Æý‡° ¯]lsìæ {†çÙ ÐéÅRêÅ-°…^éÆý‡$. ™èlÑ$â¶æ…, ™ðlË$VýS$ ¿êçÙËÌZ {†çÙ {MóS-i¯]lsìæV> ÑÆ>-h Ë$-Ï™èl$-¯é²Æý‡$. A…™ól-M>MýS$…yé »êÎ Ð]l#yŠl AÀÐ]l*¯]l$Í² AËÇ…^ól… §ýl$MýS$ íÜ§ýl®… AÐ]l#-™èl$-¯é²Æý‡$. A… §éË ™éÆý‡™ø ¿ôæsîæ..

{ç³: ç³#Æý‡$-Úë«¨MýSÅ… E¯]l² íÜ± Æý‡…VýS…ÌZ Ò$MýS$ HÑ«§ýl…V> O¯ðl¯é Cº¾…§ýl$Ë$ G§ýl$-Æý‡-Ä¶æ*ÅÄ¶æ*?
f: íÜ± Æý‡…VýS…ÌZ ç³#Æý‡$ çÙ$Ë B¨QÅ… GMýS$PÐ]l A¯ól¨ ™ðlÍíÜ¯]l ÑçÙ-Ä¶æ$ Ðól$. §ýlÆý‡ØMýS, ïßæÆøË CçÙ-t {ç³M>Æý‡Ðól$ ïßæÆøÆ‡¬¯]lÏ G…í³ MýS fÆý‡$-VýS$-™èl$…§ýl¯ól¨ ÐéçÜ¢Ð]l…. ©° Ð]lËÏ ïßæÆø-Æ‡¬¯]lÏMýS$ GÌê…sìæ Cº¾…¨ Ìôæ§ýl¯ól¨ MýS*yé °f…. C¨ ç³#Æý‡$-Úë«¨MýSÅ Æý‡…VýS… A° ™ðlÍõÜ Ð]l^é-a¯]l$.

{ç³: ™èlÑ$â¶æ, ™ðlË$VýS$ ¿êÚë MýS£é-¯é-Ä¶æ$MýS$ËÌZ MýS°í³…_¯]l ™ólyé?
f: ¿êçÙ Ñ$¯]là C™èlÆý‡{™é GÌê…sìæ ™ólyé Ìôæ§ýl$. ¯é MøBÇtçÜ$-tË…§ýlÆý‡* ¯éMýS$ Ð]l$…_ õÜ²íßæ-™èl$Ìôæ. Ðéâ¶æ$å MýS*yé ïßæÆø-ËÐ]l$¯ól ™ólyé ^èl*ç³MýS$…yé çÜ°²íßæ™èl…V> E…sêÆý‡$. ™ðlË$VýS$ _{™èl ç³Ç{Ô¶æÐ]l$ MýS*yé CMýSPyýl ¯]l$…_ Ððlãå…§ól. A…§ýl$Ð]lËÏ AMýSPyýl ^éÌê Ð]l$…¨MìS ™èlÑ$â¶æ ¿êçÙ ™ðlË$çÜ$. Mö…§ýlÆý‡$ ïßæÆø Ë$ MýS*yé ™èlÑ$â¶æ… »êV> Ð]l*sê-Ïyýl™éÆý‡$. A…§ýl$Ð]lËÏ ¯éMðSÌê…sìæ ™ólyé A°í³…^èl-Ìôæ-§ýl$.

{ç³: AÀÐ]l*¯]l$Ë {ç³Ð]lÆý‡¢¯]l GÌê E…sZ…¨?
f: ¯éMýS$ Æð‡…yýl$ ¿êçÙËÌZ¯]l* AÀÐ]l*¯]l$Ë$ E¯é² Æý‡$. AÆ‡¬™ól ™èlÑ$â¶æ AÀÐ]l*¯]l$Ë$ GÌê…sìæ Cº¾…¨ MýSËVýSgôæ-Ä¶æ$Æý‡$. ™ðlË$-VýS$ÐéÇ¨ Ð]l*{™èl… Ððl{Ç AÀÐ]l* ¯]l…. ™èlÑ$-â¶æ¯éyýl$ÌZ A°² {´ë…™éËÌZ ¯ól¯]l$ õÜÓ^èle V> †Æý‡$-VýS$™é¯]l$. AÀÐ]l*¯]l$Ë$ ¯]l¯]l$² ^èl*õÜ VýS$çÜVýS$-çÜÌê-yýl$MýS$…sêÆó‡ ™èlç³µ GÌê…sìæ AÝû-MýSÆý‡Å… MýSÍW…^èl Æý‡$. A§ól B…{«§éÌZ AÆ‡¬™ól C…§ýl$MýS$ ÑÆý‡$§ýl®…V> E…r$…¨. CsîæÐ]lË Oòßæ§ýl-Æ>»ê§ŠlÌZ E¯]l² I¯éMŠSÞ ¤Äôæ$-rÆŠ‡MýS$ àÅÇ´ùrÆŠ‡ _{™èl… ^èl*õÜ…§ýl$MýS$ AÐ]l$Ã ™ø Ððlâêå¯]l$. ¯ól¯]l$ Æ>Ð]lyýl… ^èl*íÜ¯]l AÀ Ð]l*¯]l$Ë$ ^èl$r$-tÐ]l¬-sêtÆý‡$. ¯ól¯]l$ JMýSP Ayýl$VýS$ MýS*yé MýS§ýlËÌôæ° ç³ÇíÜ¦† HÆý‡µyìl…¨. _Ð]lÇMìS ´ùÎçÜ$Ë çÜàÄ¶æ$…™ø ¤Äôæ$-rÆŠ‡ÌZMìS Ððlâ¶æåVýSÍV>¯]l$. ´ùÎçÜ$ Ë Æý‡„ýS×æÌZ íÜ°Ð]l* ^èl*yýlr… A§ól ™öÍÝëÇ. A§ól ^ðlO¯ðl²ÌZ AÆ‡¬™ól çÜ™èlÅ… M>…ò³ÏMŠSÞ, I¯éMŠSÞ ¤Äôæ$-rÆý‡ÏMýS$ Ððlãå íÜ°Ð]l* ^èl*íÜ Ð]l^ól-aÝë-¢¯]l$.

{ç³: Ìôæyîl KÇÄñæ$…sñæyŠl _{™éÌZÏ G…§ýl$MýS$ ¯]lsìæ…^èlyýl… Ìôæ§ýl$?
f: AÀÄ¶æ¬ÐŒl$ ¯é¯]l$ÐŒl$ _{™èl… B MøÐ]lMýS$ ^ðl…¨…§ól. B _{™èl… ™èlÆý‡$Ðé™èl B ™èlÆý‡à ´ë{™èlÌZÏ ¯]lsìæ…^èlÐ]l$° ç³Ë$ AÐ]lM>Ô>Ë$ Ð]l^éaÆ‡¬. AÆ‡¬™ól ïßæÆøÆ‡$$¯Œl {´ëÐ]l¬-QÅ-Ð]l¬¯]l² ´ë{™èlÌZÏ¯ól ¯]lsìæÝë-¢¯]l…sôæ ™èlÓÆý‡V> C…sìæMìS ç³…í³-^ól-Ýë¢Æý‡$. {ç³M>-‹ÙÆ>gŒæ, Æ>«§é-Ððl*çßæ¯Œl Ìê…sìæ §ýlÆý‡ØMýS °Æ>Ã™èlË$ ËÀ…_¯]lç³šyýl$ AÌê…sìæ MýS£é _{™èl…ÌZ ™èlç³µMýS$…yé ¯]lsìæÝë-¢¯]l$.

{ç³: AíÜ¯ŒlMýS$ ´ùsîæV> íßæ…© _{™èl Æý‡…VýS…ÌZMìS {ç³Ðól-ÕçÜ$¢-¯é²Æý‡¯ól ÐéÆý‡¢ËMýS$ Ò$ fÐéº$?
f: AMýSPyýl BíÜ¯ŒlMýS$ º§ýl$Ë$V> ÐólÆó‡ §ýl„ìS×ê¨ ¯]lsìæ E¯é², BÐðl$™ø ´ùsîæ A¯ól A…sêÆý‡$. ¯]l¯]l$² C…™èlMýS$-Ð]l¬…§ýl$ ¯]l$…^ól {í³-Ä¶æ$§ýlÇØ¯Œl íßæ…© _{™èl ç³Ç{Ô¶æÐ]l$MýS$ ç³Ç^èlÄ¶æ$… ^ólÄ¶æ*Ë° {ç³Ä¶æ$†²…^éÆý‡$. A¨ Cç³µ sìæMìS MýS$¨Ç…¨.

{ç³: Ò$Oò³ Ð]lçÜ$¢¯]l² Ð]l§ýl…™èl$Ë VýS$Ç…_?
f: Ðésìæ° ¯ól¯]l$ ïÜÇÄ¶æ$‹ÜV> ¡çÜ$-MøÐ]lyýl… Ð]l*° ^éÌê M>Ë… AÆ‡¬…¨.

{ç³: ¯]lsîæ-Ð]l$-×æ$ËMýS$ õÜÓ^èle E…§é?
f: °Ô¶æaÄ¶æ$…V> E…¨. ¯ól¯]l$ A¯]l$-MýS$¯]l²¨ O«§ðlÆý‡Å…V> ^ólÝë¢¯]l$. ¯]l¯ðl-²Ð]lÆý‡$ °Æý‡-Â…¨…^èl Æý‡$. AÆ‡¬™ól CÌê…sìæ õÜÓ^èle A…§ýlÇ ¯]lsîæ-Ð]l$-×æ$ËMýS$ E…§é? A¯]l² ÑçÙÄ¶æ$… ¯éMýS$ ™ðlÍÄ¶æ$§ýl$ ¯éÐ]lÆý‡MýS$ ç³NÇ¢ õÜÓ^èle E…¨.

ఒక నాయకుని మహాభినిష్క్రమణం....మరి తరువాత?

2009-09-04T22:15:00.000+05:30

మర్రిచెట్టుకింద మరే చెట్టూ ఎదగదన్నట్లు, మన రాష్ట్రం లో సమకాలీన కాంగ్రెస్ నాయకుల్లో మహానాయకుడైన వై.ఎస్.ఆర్ ముందు మిగిలిన నాయకులందరూ వెలవెల బోయారు. కాంగ్రెస్ లో ఇంతగా ప్రజలతో మమేకమైన నాయకుడు ఇంకొకరు లేరు. ఇప్పుడప్పుడే రావటం కూడా చాలా కష్టం. నాయకులు చాలా మంది ఉండి ఉండవచ్చుకానీ రాష్ట్రవ్యాప్తం గా ప్రజాదరణ కలిగిన నాయకుడు & మార్గదర్శి గా ముందుండి వై.ఎస్.ఆర్. కలలు గన్న ప్రాజెక్టులన్నీ పూర్తి చేయగలిగే సామర్ధ్యం ఉన్న నాయకుడు ఇప్పుడెవారున్నారు కాంగ్రెస్ లో?

వై.ఎస్.ఆర్. అంత్యక్రియలన్నా పూర్తి కాకుండానే వారసుడు ఎవరు అన్న ప్రశ్న ఉదయించటం సహజమే జగన్ ని ముఖ్య మంత్రి ని చెయ్యాలన్న కొంత మంది కాంగ్రెస్ మంత్రుల & శాసన సభ్యుల ఆత్రుత చూస్తుంటే ఏదో శవ పంచాయితీ లాగా అనిపించింది. వీళ్ళు హడావిడిగా వెళ్లి చిరంజీవి ని జగన్ కి మద్దతు ప్రకటించమనటం చూస్తుంటే అప్పుడే కాంగ్రెస్ లో ముఖ్యమంత్రి పీఠం గురించి కుమ్మలాటలు మొదలయ్యాయి అన్న అనుమానం ఒక సామాన్య పౌరుడిగా నాకే వస్తుంటే ఇక మిగిలిన వర్గాల్లో & రాజకీయ పక్షాల్లో ఏమనుకుంటూ ఉంటారు.

ఒక పక్క ఆపద్ధర్మ ముఖ్యమంత్రి గా రోశయ్య గారు ప్రమాణ స్వీకారం చేస్సరు. కాబట్టి ఇప్పుడింత హడావిడిగా జగన్ ని ముఖ్యమంత్రిని చెయ్యక పోతే రాజీనామాలు చేసేస్తాం అనటం చూస్తుంటే ఇదో రకమైన ఎమోషనల్ బ్లాక్ మెయిలింగ్ అనిపిస్తుంది. రాష్ట్రవ్యాప్తం గా వై.ఎస్.ఆర్. మృతికి వెల్లు వెత్తుతున్న సానుభూతి ఈ సమయం లో జగన్ పేరు తెరపైకి తెచ్చిన తరువాత మరొకరి పేరు తెరపైకి వస్తే ఇంకేమైనా ఉందా?. సరిగ్గా అదే కావాలి వాళ్లకు. అందుకే ఇలాంటి విషాద సమయం లో మంత్రి వర్గ తీర్మానం చేసేటట్లు చేసారు.

మరి మిగిలిన వాళ్ళు ఊరుకుంటారా?

ఎన్నికల ముందు అడ్డమైన వాగుడూ వాగి ఓడిపోయిన రాష్ట్ర కాంగ్రెస్ అధ్యక్షుల వారు ఇప్పుడు ముఖ్యమంత్రి సంగతికి తొందరేం లేదు అన్నారు. చిరు ఆ మాట అన్నారంటే వేరే పార్టీ వ్యక్తి కాబట్టి అర్ధం చేసుకో గలం కానీ డి.ఎస్. ఆ మాట అన్నారంటే జగన్ ని ఆయన ఆమోదించనట్లే కదా?

మరో ముఖ్య నేత జే.సి. దివాకర్ రెడ్డి గారు కూడా జగన్ ని ముఖ్య మంత్రి గా చెయ్యమని విన్నపం మీద సంతకం చెయ్యమని తనను ఎవరూ అడగలేదు అన్నారంటే ఆయన గారి మనసులో ఏమున్నట్లు? మరో మాట... గుమ్మడి కాయల దొంగ ఎవరంటే భుజాలు తడుముకున్నట్లు నేను ముఖ్యమంత్రి రేసు లో లేను అని ఎందుకు సెలవిచ్చినట్లు? (ఆడవారి మాటలకు కాదు.... రాజకీయుల మాటలకు అర్ధాలు వేరు కదా!)

ఇంకా ఇప్పటికే జైపాల్ రెడ్డి, పురంధరేశ్వరి, బొత్సా తదితరుల పేర్లు షికార్లు చేసాయి.

వై.ఎస్.ఆర్. మిస్ అయిన దగ్గర నుండి హోం మినిస్టర్ ని పక్కన పెట్టేసి మీడియా ముందు అధికారిక ప్రకటనలు చేస్తున్నప్పుడే అర్ధం అయ్యింది రోశయ్య గారి అంతరంగాన ఏమున్నదో. (ముందు పెద్ద మనిషిగా భాధ్యత తీసుకున్నారని భ్రమ పడ్డాను). రాజ్యాంగం ప్రకారం ఆపద్ధర్మ ముఖ్యమంత్రి అంటూ ఎవరూ లేరు ముఖ్యమంత్రే ఉండేది అన్నప్పుడే అర్ధం అయింది అంతా బాగుంటే సెంట్రల్ లో మన్మోహన్ లా స్టేట్ లో తానే అని భావిస్తున్నాడని.

ఇంకా ఇప్పటి వరకూ బయట పడని నాయకులెందరు ఉన్నారో...

జగన్ ని ముఖ్యమంత్రి ని చెయ్యాలని అంటున్న వాళ్ళు ఇప్పుడిప్పుడే తండ్రి చెయ్యి పట్టుకుని నడక నేర్చుకుంటున్న వాడికి ఒకేసారి పట్టాభిషేకం ఏమిటా అని ఎందుకు ఆలోచించటం లేదు?

జగన్ కి రాష్ట్ర ప్రజల సాధక బాధకాలు అర్ధం చేసుకోవటానికి, ముఖ్యమైన రాజ్యాంగ పదవులధిరోహించుకోవటానికి ఇంకొంత సమయం ఇస్తే బాగుంటుంది. ప్రస్తుత కాంగ్రెస్ నాయకుల్లో వై.ఎస్.ఆర్. తరువాత ప్రజల్లో ఆదరణ ఉన్నది వై.ఎస్.ఆర్. కన్నా బిడ్డగా జగన్ కే. అది కాదన లేని సత్యం. అంత మాత్రాన ఇప్పటికిప్పుడు జగన్ చేతికి ముఖ్యమంత్రి పగ్గాలు అందిస్తే 15 సంవత్సరాల క్రితం కాంగ్రెస్ లో మనం తరచుగా చూసిన అసమ్మతి రాగాలు మళ్ళీ పురివిప్పుతాయనటం లో అతిశయోక్తి లేదు.

కేంద్రం లో ప్రధాని పదవికి నాకు అనుభవం చాలదన్న రాహుల్ లా ఇక్కడ కూడా రాజకీయాల్లో ఇంకా అనుభవం పెరిగే వరకూ జగన్ వేచి చూసి అందరికీ అమోద్యయోగ్యమైన వివాదరహితుడైన (ఉదా: జైపాల్ రెడ్డి )వ్యక్తి చేతికి ముఖ్యమంత్రి పదవి ఇచ్చేలా చొరవ చూపిస్తే తన తండ్రిలా జగన్ కూడా భవిష్యత్తులో మంచి నాయకుడు కాగలదు.)

లేదంటే రాష్ట్ర కాంగ్రెస్ మళ్ళీ 15 సంవత్సరాల క్రితం పరిస్థితి కి వెళ్ళినా ఆశ్చర్యం లేదు.

ఈ విషయం లో కేంద్ర నాయకత్వం ఒక మంచి నిర్ణయం తో తెలుగు ప్రజల కి సంతోషాన్ని కలగచేస్తారని ఆశిస్తూ.......

మీ

స్నేహితుడు

చిక్కలేదు ముఖ్యమంత్రి ఆచూకీ

2009-09-02T17:51:00.000+05:30

గౌరవ నీయులైన మన రాష్ట్ర ముఖ్యమంత్రి రాజశేఖర రెడ్డి గారి ఆచూకీ ఈరోజు ఉదయం 10.13నుండి తెలియటం లేదు. ఆయన ప్రయాణించే హెలికాఫ్టర్ నుండి ఎటువంటి సిగ్నల్స్ రావటం లేదు. బహుసా నల్లమల అడవుల్లో ఆయన హెలికాఫ్టర్ ల్యాండ్ అయ్యి ఉంటుందని భావిస్తున్నారు. ప్రకాశం, కర్నూల్ & మహబూబ్ నగర్ జిల్లాల మధ్య లో ఏదో ఒక చోట ఆయన క్షేమంగా ఉంటారని భావిస్తున్నారు.

ఆయన క్షేమం గా తిరిగి రావాలని ఒక రాష్ట్ర పౌరుడిగా ఆశిస్తున్నాను.

అడుగు జాడలు

2009-09-01T23:30:00.000+05:30

నీవు నడచిన బాటలోనే నా అడుగులు

నువ్వెక్కడున్నాసరే నా కళ్ళలోనే వాటి జాడలు

కవచం

2009-09-01T22:59:00.000+05:30

నా కంటిలోని నీ రూపానికి
నా కనుపాపే కవచం
నా హృదిలోని ప్రేమధ్యానానికి
నీ కడనున్న నా చిన్ని మనసే సాక్ష్యం